आम्ही कोण आहोत

व्यवसाय आणि रिअल इस्टेटच्या भविष्याला नव्या दिशा देत आहोत

२०१३ साली सोलापूरच्या मातीतून उभे राहिलेले तीन जिद्दी मित्र महेश जिंदम, नितेश पोगुल आणि गुरु पालमुर यांनी सोलापुरात काहीतरी ठळक करावे या उद्देशाने कोणतीही आर्थिक मदत, कर्ज किंवा मोठी पार्श्वभूमी नसताना फक्त मेहनत, विश्वास आणि मोठी स्वप्नं यांच्या जोरावर NewSoft Solutions ची सुरुवात केली. कालांतराने कंपनीचे प्रायव्हेट लिमिटेड व्हेंचर करण्यात आले. पुढे जाऊन त्यांनी Mission Victory आणि Easy Prop Deals या कंपन्यांची देखील सुरुवात केली.

आज त्यांच्या कार्याची झेप महाराष्ट्राबाहेर ५ राज्यांपर्यंत पोहोचली आहे. ई-गव्हर्नन्स प्रकल्पांद्वारे त्यांनी हजारो नागरिकांच्या जीवनात सकारात्मक बदल घडवला आहे. Mission Victory च्या माध्यमातून राजकीय क्षेत्रात सक्रिय काम करीत अनेक स्थानिक युवकांना सोलापूरमध्येच रोजगार देऊन त्यांनी कुटुंबांना नवी आशा दिली आहे. तर Easy Prop Deals द्वारे नव्या संकल्पनेतून रिअल इस्टेट क्षेत्रात पारदर्शक आणि आधुनिक सेवा उपलब्ध करून दिल्या आहेत. यशाच्या शिखरावर पोहोचूनही त्यांनी समाजाशी नाळ कायम ठेवली आहे. M. J. मानव सेवा संस्था मार्फत ते गोरगरीब वर्गातील शिक्षण आणि सामाजिक कार्यात सातत्याने योगदान देत आहेत.